آذربایجان خالقینا تسلیت

آذربایجان خالقینا تسلیت ئدیریک

  تاسف ایله  بو آخشام آذربایجاندا بیر بویوک زلزله ئوز وریب . خبرلره گوره ایندیه جه اوچ یوز ئولوم و بش مینه یاخین یارالی  و یوزلرجه ئو ویران اولوب . بوزلزله آذربایجان خالقنین  بو داییشلیخ گونلرینده ، کی  بیکارچیلیخ ، باهالیخ ، اوسیزلیک ،اشیسیزلیک وآیری اقتصادی و سیاسی فشار لارا معروض قالیبلار ،بویوک فاجعه سایینیر.

بو زلزله نین کندلرده آرتیق انسانی تلفاتی و ئو لرین  یریله بیراولماسی بو زحمتکش انسانلارین  یوخسوزلیقلارینا و ئونلارین آغیر شرایط ده یاشایشلارینا دلالت ئدیر . ئو لر کی ئوزون ایللر بوندان قاباق پالچیقیله تیکیلیب  و بو یازیق انسانلارین سرپناهی اولاراخ هیچ بیر  طبیعی و سیل سو وزلزله قاباقیندا دوام ئده بیلمزلر. ئیلله ر بویو بو خالقین قانین ایچیپ  واونلارین دسترنجین ده ن ارتزاق ئده نلر  و ئونلاری بو فقر و فلاکته سالانلار  بو فاجعه نین مسبب لریدیلر .

آذربایجان کمونیست فدائیلری  بو فاجعه نی بتون آذربایجان خلقینه و داغیلان ئو لر صاحابی و یارالانان و ئولن انسانلارین خانواده لرینه تسلیت ئدیر وئونلارین غمینده ئوزلرینه شریک بلدیریللر. بیز تمام انسانلاردان ئستیریک کی ، بو فاجعه ده ئوز قارداشلارین ،باجیلارین و یولداشلارین  تک براخماسینلار  و ئونلارا یاردیم اتمک اوچون ، مستقل یاردیم کمیته لرینده توپلانیب  مردمی کمک لرین  پارلانماسینا ، مریض لرین و صدمه گورنلری مریض خانالارا یتیشیلمه سینده  و ئائله صاحابلارینا  سامان وریب و انولاردان محافظت ئتمه که باشلاسینلار .
کمونیست فدائیلرین آذربایجان ایالتی کمیته سی

۲۱-۵-۱۳۹۱